18-08-2024 - 24-08-2024 - ONS BID SAAM VIR...
- Teologiese Kweekskool (Deuroffer): Ons bid dat U Woord steeds sentraal sal wees in die Teologiese opleiding en dat die wat waarlik geroepe is, hulle as predikante sal bekwaam.
- Ouers en opvoeders wat kinders met probleme moet hanteer. Gee U asseblief vir hulle leiding en lig. Neem U beheer van die kinders se wil en emosies.
- Outeniqualand se musiekbediening: Dankie vir hulle wat hulle talente tot die gemeente se beskikking stel en dat ons deur sang en musiek U teenwoordigheid kan ervaar.
- “Om soos God te kyk” reeks. Leer ons om anders te kyk na U, onsself, verhoudings, kerkwees, ons gemeenskap en ons land.
DANKIE:
- Vir 'n normale samelewing waarvan ons deel kan wees. Maar ons bid vir hulle wat daagliks in vrees moet lewe.
- Vir gebed: Gebed is ons direkte kontak met U. Dankie vir hierdie lewenslyn wat U aan ons gee. Gee ons die krag om nooit op te hou bid nie.
Opmerkings
Plaas 'n opmerking