Outeniqualand Gemeente

Ons nooi jou uit na Sondag 2 April se erediens om 09:30 in die kerk. Dit is ook die begin van ons Groot Lydensweek Meditasiedienste om 18:30 in die kerk. Kom word saam met ons stil voor die 7 kruiswoorde van Jesus! Kom drink lekker koffie in die kerksaal na afloop van die oggend se erediens. VOLGENDE SONDAG Jy word hartlik uitgenooi op Sondag 9 April na die diens om 08:00 op Glentana strand en die erediens om 09:30 in die Kerkgebou. Kom drink lekker koffie in die kerksaal na afloop van die erediens. INTERESSANTE FEIT Verlede jaar op 3 April 2022 is die eerste diens in die kerk gehou vandat kerkdienste op 22 Maart 2020 opgeskort is a.g.v. Covid! Outeniqualand kon, deur genade, geestelike sterk staan deur hierdie tyd met ons inrydienste by die dam agter die kerk. Nou waardeer ons die voorreg om weer die gees van familie in die kerk te ervaar sonder inperkings. Alle dank aan ons Vader! DEUROFFER: BADISA (Sinodaal) Badisa is die welsynsorganisasie van die NG Kerk in SA (Wes-Kaapland) en di

 

'n BAIE groot dankie vir Janita en haar span vir 'n onvergeetlike Langtafeldinee. Alles was pragtig en heerlik en ons gemeentelede het besonder spiekeries gelyk in hulle formele klere!  

 

Op 15 April 2023 word daar 'n "Woningskou" gehou ten bate van Diepkloof Kleuterskool. Die verskillende huise op die program kan vanaf 9:00 tot 15:00 gesoek word. Die doel van die woningskou is NIE dat die eienaars wil spog met hul huise en besittings nie, maar dat hulle uit dankbaarheid aan God, hul huise oopstel om dit in vreugde met ander te deel. Die laaste stop is by Annelie Botha waar gratis roosterkoek/konfyt/kaas en koffie en tee aangebied word. Die kaartjies is R100 per persoon. Kaartjies is beskikbaar by die kerkkantoor, Riekie Kruger en Merinda Kinghorn.

Die Nagmaal: Mag die Vader ons met die gebruik van die sakrament seën. Seën ons nagmaal ete, waar ons saam met medegelowiges die vreugde van voedsel en samesyn kan geniet. Lydenstyd: Mag ons ook hierdie week die lyding wat Christus ter wille van ons verduur het, beleef. Ons mooi land: Menseregtedag het ons weereens herinner aan ons Christelike plig om ons medelandsburgers met respek en liefde te hanteer. DANKIE: Dat U ons gebede die afgelope week verhoor het tydens stakings en onrus. Ons het U teenwoordigheid ervaar. Dat U altyd daar is vir gelowiges; in tye van kommer, siekte en nood. Dat U luister as sondaar mense bid! Dankie dat U altyd 'n oor het vir ons nood en versugtinge! Amen.

Ons nooi jou uit na Sondag 26 Maart se Nagmaalsdiens om 09:30 in die kerk. A.g.v. die Nagmaalsete, is daar geen koffie na afloop van die erediens nie. Daar word reën vir Sondag voorspel en daarom het ons besluit om die braai te vervang met ons tradisionele Nagmaalsete. Ons nooi jou dus uit na ons Nagmaalsete vanaf 11:30 in die Kobus Hattingh-saal in Glentana. Die volgende reëlings geld: Elke gesin bring vir homself: Eie eetgerei Eie drinkgoed (wyn is welkom) 'n vleisgereg en twee bykosse (waarvan een ‘n slaai kan wees) Nagereg Die kos word op 'n gesamentlike tafel uitgepak waar elkeen kan skep soos en waarvan hy/sy hou. Daar sal stoele met gedekte tafels beskikbaar wees. VOLGENDE SONDAG Jy word hartlik uitgenooi na Sondag 2 April se erediens om 09:30 in die Kerkgebou. Kom drink lekker koffie in die kerksaal na afloop van die erediens. DEUROFFER: PUBLIEKE GETUIENIS (Sinodaal) Die Getuienis Aksie van die Sinode is besig op verskeie plekke in Afrika asook die res van die wêreld me

 

Diens van Barmhartigheid wil graag 'n leesproejek by die drie laerskole in ons area van stapel stuur. Daarvoor het ons heelwat boeke op laerskoolvlak en laer nodig. As daar boeke in jou huis is wat jou kind of kleinkinders al ontgroei het, skenk dit asseblief vir die projek. Die boeke kan in die voorportaal in die mandjie geplaas word of jy kan my kontak. As 'n kind leer lees, kan hy soveel ander vaardighede baasraak. Baie dankie by voorbaat. Marianna Uys

'n Groot DANKIE vir die voltooide handskoene wat by die kerkkantoor ingegee is. Daar is 20 pare donkerbou (navy) handskoene sonder vingers reeds klaar gehekel en ons kort nog 160 pare. Ons wil graag middel Mei vir Laerskool Diepkloof 180 pare gee. Verlede jaar se musse het alle verwagtinge oortref, ons glo dat ons vanjaar ook gaan jubel en juig met die handskoene projek. Vir meer inligting kontak Alta.

Stakings en optogte: ons as gelowige wetsgehoorsame burgers is baie bekommerd oor die gevolge van die aksies op die ekonomie en samelewing Ons bid vir beskerming en beheer oor vakbonde en politieke partye. Die Kerk: Ons bid vir leiding van ons kerkleiers in hierdie onsekere tye. Die mense van Mosambiek en Malawi waar die tifoon Freddy groot skade aangerig het. Vertroos u die families waar lewensverlies was en help hulle om die skade te herstel. Hugenote Kollege (Deuroffer): Ons bid vir die instansie waar Sosiale Werkers opgelei word. Hierdie studente gaan 'n belangrike rol in gemeenskappe vervul en het ons finansiële ondersteuning en voorbidding nodig. DANKIE: Vir die dat ons in hierdie tyd saam met U die Lydensweg mag stap en dat U vir ons sondes gesterf het. Dat U Heilige Gees ons beskerm teen die bosemagte wat dreig om ons in die afgrond te trek.

Jy word hartlik uitgenooi na Sondag 19 Maart se erediens om 09:30 in die Kerkgebou. Kom drink lekker koffie in die kerksaal na afloop van die erediens. VOLGENDE SONDAG Ons nooi jou uit na volgende Sondag se Nagmaalsdiens om 09:30 in die kerk. Almal word hartlik uitgenooi na ons 'n bring en braai by die Kobus Hattinghsaal vanaf 11:30. Bring jou eie eetgerei, rooster/tang/casserol, drinkgoed en vleis/bykosse saam. Ons voorsien tafels met stoele en braaidromme met kole. Ons sien uit daarna om saam met jou te kuier. DEUROFFER: HUGENOTE KOLLEGE (Siondaal) Die Hugenote Kollege is die NG Kerk se eie universiteit wat as 'n privaat opleidingsinstansie studente vanuit die Christelike geloof en waardestelsel oplei vir maatskaplike- en kerklike dienswerk. Die gebeure rondom Covid-19 het net weer onderstreep hoe belangrik die kerk se maatskaplike werk en dienslewering is, en hoe noodsaaklik dit is om goed opgeleide persone te kan verskaf wat diens lewer in kinderhuise, ouetehuise en wat ber

Een van ons lidmate het begin met 'n Lughawe- en Dorp-pendeldiens. Hy kan help so wyd as Oubaai / Heroldsbaai / Glentana / Grootbrakrivier / Wildernis / Victoriabaai. Hy sê sy diens is betroubaar, bekostigbaar, betyds en veilig. Kontak gerus vir George Botha.

 

Op Vrydag 17 Maart 17:30 vir 18:00 word Outeniqualand se eerste Langtafeldinee aangebied onder leiding van Janita Russouw. Dit beloof om 'n asemrowende geleentheid te wees. Kaartjies is beskikbaar by die kerkkantoor. Daar is nog 'n paar kaartjies oor! Moet dit nie mis nie!  

Diepkloof Kleuterskool is op soek na ten minste 2 persone uit die gemeente wat passievol en entoesiasties is oor kleuters en wil help om 'n verskil in hulle lewens en die gemeenskap te maak! Ons wil graag nuwe mense op ons Bestuurskomitee inbring wat weer met 'n vars oog kan kyk en nuwe idees kan voorstel om ons werk by die Kleuterskool te versterk. Enige een wat belangstel kan vir Bernice kontak. Sy wag vir jou oproep!

WIL JY SAAM BID? Outeniqualand se gebedsbediening werk per whatsapp-groep. Ons kom dus nie bymekaar nie, maar deel gebede en versoeke per whatsapp met mekaar. Indien jy wil deel raak van hierdie groep kan jy vir Ben Klinck kontak. LEESPROJEK VIR ONS LAERSKOLE Diens van Barmhartigheid wil graag 'n leesprojek bydie drie laerskole in ons area van stapel stuur. Daarvoor het ons heelwat boeke op laerskoolvlak en laer nodig. As daar boeke in jou huis is wat jou kind of kleinkinders al ontgroei het, skenk dit asseblief vir die projek. Die boeke kan in die voorportaal in die mandjie geplaas word of jy kan my kontak. As 'n kind leer lees, kan hy soveel ander vaardighede baasraak. Baie dankie by voorbaat. Marianna Uys. KRUISE VIR PAASFEES! Kom help kruise maak vir paasfees! Maandag 13 Maart vanaf 16:00 in die Kobus Hattinghsaal. Die materiale is aangekoop en nou soek ons hande om 350 kruisies te help maak. Ons wil sommer gesellig saam kuier ook. Bring jou buurvrou en vriendin ook saam. A

Die nuwe kabinet: Ons land het leiers nodig, wat die land met integriteit sal bedien. Rus U hulle asseblief toe vir hulle taak. Reën in die Oos-Kaap waar die damme nog leeg is en krises dreig. Eljada Nasorg: Ons bid vir die personeel en inwoners om U bystand en versorging. Nuwe intrekkers in ons gemeente. Help U ons om vir hierdie lidmate 'n geestelike tuiste te skep. DANKIE: Vir die goeie reën in ons streek, waar damme vol is en boere gereed maak vir die plantseisoen. Vir verlede Sondag se Gemeenskapsdiens en dat ons die Landbou en Ekonomie aan U kon toevertrou. Dat ons aan U die eer gee vir al die mooi wat ons om ons sien: in die natuur, in die lewens van gelowige mense om ons en ook in U Woord. Jeremia 17:7 "Dit gaan goed met die mens wat sy vertroue in die Here stel, die mens vir wie die Here 'n veilige vesting is."

  Jy word hartlik uitgenooi na Sondag 12 Maart se 2 eredienste: 08:00 in die Kobus Hattinghsaal en 'n Gesinsdiens om 09:30 in die Kerkgebou. Neem asseblief kennis dat daar dus nié hierdie Sondag 'n inrydiens gaan wees soos op die kalender aangedui is nie. Kom drink lekker koffie in die kerksaal na afloop van die erediens. DOOP: Hierdie Sondag doop Ivan en Marinda May hulle seuntjies, Markus en Regardt. Ons is opgewonde saam met hulle ouma, Martie Dickson, vir die Here se genade. VOLGENDE SONDAG Volgende Sondag se erediens vind plaas om 09:30 in die kerkgebou. DEUROFFER: ELJADA NASORG Die Eljada Nasorg in Oudtshoorn voorsien residensiële versorgings- en ontwikkelingsdienste aan 97 volwasse persone met intellektuele gestremdhede en dagsorgdienste aan 13 volwasse persone met intellektuele gestremdhede wat in die gemeenskap woon. Projekte en aktiwiteite wat deur 5 intruktrises aangebied word is: kognitiewe ontwikkeling, lewensvaardigheid- en bewusmakingsprogramme, leerwerk, kers- e

 

Die gemeente se finansiële inligting, hoofsaaklik verkry vanaf inskrywings op die bankstate, 'n betalingsregister en 'n kwitansieregister, word maandeliks verwerk na 'n proefbalans wat deur middel van 'n pastelprogram gedoen word. Voordat buite instansies soos die gemeente se bestaande ouditeure genader word om hierdie verwerking te onderneem, sou die Diensgroep vir Fondse graag wou verneem of daar enige persoon in die gemeente is wat die nodige rekenkundige agtergrond het asook pastel gekwalifiseerd is, om hierdie werk namens die gemeente te onderneem. Enige navrae in dié verband kan na die Skriba verwys word - Merinda.

WIL JY SAAM BID? Outeniqualand se gebedsbediening werk per whatsapp-groep. Ons kom dus nie bymekaar nie, maar deel gebede en versoeke per whatsapp met mekaar. Indien jy wil deel raak van hierdie groep kan jy vir Ben Klinck kontak. IS JY HANDIG IS MET 'N BREI OF HEKEL NAALD? 180 PAAR HANDSKOENE, VINGERLOOS, VIR DIEPKLOOF LAERSKOOL Baie dankie aan almal wat navrae ivm die brei van die handskoentjies (sonder vingers) gedoen het en graag wil help. Ons benodig: Gr 1 + 2: 60 pare (32 steke) Gr 3 + 4: 60 pare (36 steke) Gr 5, 6 + 7: 65 pare (40 steke) Dubbeldraad wol, donkerblou (navy) om te pas by die skooldrag. Vir enige navrae kontak Alta van Wyk.

Alta du Toit Nasorg (Deuroffer): Verstandelik gestremde leerders ontvang hier opleiding. Ons bid vir onderwysers en leerders asook die leerders se geestelike versorging. Die Landbou: Die rol wat die sektor in ons land en gemeenskap speel. Die Landbou is nie alleen voedsel voorsiener en werkgewer nie, maar ook geestelike versorger. Vader help U ons boere in die omvattende verantwoordelikheid. Ekonomie: Ons land se ekonomie staan voor baie uitdagings; werkloosheid, die kragkrisis, inflasie, 'n gryslys en staats- kaping. Help U ons om die uitdagings te bowe te kom. DANKIE: Vir die boere wat hulle plig doen ten opsigte van voedselsekerheid maar ook ten opsigte van die opheffing van die gemeenskap. Gelowige sakemanne wat nog positief is ten opsigte van die toekoms van ons land en deel is van werkverskaffing en met hulle bydrae tot die belastingbasis help om die begroting te laat klop. Die HOOP wat ons in U Woord kry. Jes. 30:18 "Tog is die Here gretig om julle genadig te wees en wi

Ons nooi jou uit na ons Inry Gemeenskapsdiens hierdie Sondag om 09:30 by die kerkterrein op Sinksabrug. Weens die baie reën wat voorspel is, is die Inrydiens gekanselleer en gaan die diens voort in die kerkgebou. Ons gaan die besoekers in die kerkgebou akkommodeer. Kom drink lekker koffie en broodjies in die kerksaal na afloop van die erediens. Baie dankie aan die Gasvryheidsdames wat die broodjies voorsien. VOLGENDE SONDAG Sondag 12 Maart is daar twee eredienste: 08:00 in die Kobus Hattingh-saal 'n Gesinsdiens om 09:30 in die Kerkgebou Neem asseblief kennis dat daar dus nié op Sondag 12 Maart 'n inrydiens sal wees, soos op die kalender aangedui is nie. DEUROFFER: ALTA DU TOIT NASORG Die Alta du Toit Nasorgsentrum (Bellville) maak voorsiening vir volwassenes (18 jaar en ouer) wat intellektueel gestremd is. Hulle vaardighede word optimaal ontwikkel met die hulp van professionele opleidings- en ontwikkelingsprogramme. Die hantering van kliënte word bestuur deur 'n dissiplinêr