Erediens - 2 Junie 2024


Ons nooi jou uit na Sondag 2 Junie se erediens om 09:30 in die kerkgebou.
Sondag se tema fokus steeds op die werksplek met die tema: BEPLANNING: God se sorg en my eie beplanning!
Kom drink heerlike koffie na die diens in die kerksaal.


VOLGENDE SONDAG

Jy word hartlik uitgenooi na Sondag 9 Junie se erediens om 09:30 in die kerk.
Daar sal geen erediens in die Kobus Hattinghsaal wees op 9 Junie nie.


SINODALE DEUROFFER: ARBEIDSBEDIENING

Arbeidsbediening is die diensarm van Christelike kerke wat alle mense in die werkplek landswyd ondersteun – hulle werk dus AANVULLEND tot gemeentebediening en verteenwoordig nie die voorkeure of styl van een spesifieke denominasie nie. Hulle verteenwoordig die hele kerk van Christus en is gerig op die geestelike versorging van mense in hule plekke van werk. Christengelowiges word ondersteun en ‘n vriendskapsevangelisasie word gevolg deur mense te bereik wat nog nooit van die Here gehoor het nie.
Arbeidsbediening se holistiese benadering beteken ook dat hulle mense pastoraal bystaan wat onreg beleef, sukkel om verhoudings te laat versoen of wat hulle werk verloor het. Om te verseker dat die bediening relevant bly, word sake soos werksetiek aangespreek, toerustingsgeleenthede aangebied en nuwe bemagtigingsprojekte aangepak.

Webwerf: http://imsacape.christians.co.za

 

KONINKRYKSTYD

Wanneer die kerkjaar as geheel beskou word, is dit opmerklik dat Koninkrykstyd die grootste deel daarvan beslaan. Koninkrykstyd strek vanjaar oor 26 weke vanaf die dag na Drie-Eenheidsondag tot 21 November met die aanvang van Advent.
In hierdie tyd van die liturgiese jaar dink ons na oor God wat in ons lewe regeer. Hoe kan jy vandag die Here eer vir sy rol in jou lewe? Kies hierdie week vir jou 'n dag om na te dink oor hoe die Here teenwoordig is in jou lewe.
Dink terug aan tye wat die Here jou gedra het en in moeilike tye bygestaan het. Miskien kan jy die geleentheid gebruik om iemand by te staan wat 'n moeilike tyd ervaar.

Opmerkings

Plaas 'n opmerking

Gewilde plasings van hierdie blog

Eredienste, Kersdienste en Oujaarsdiens - 24, 25, 31 Desember 2023

Prent
Hierdie Sondag se eredienste vind plaas om 08:00 in die Kobus Hattinghsaal en om 09:30 in die kerk, gelei deur ds. Jan-Hendrik Fourie. KERSDAG Kersdiens om 06:30 in die Kobus Hattinghsaal, gelei deur ds. Jan-Hendrik Fourie. Kersdiens om 07:45 in die Kobus Hattinghsaal, gelei deur ds. Jan-Hendrik Fourie. Kersdiens om 09:00 in die Kobus Hattinghsaal, gelei deur ds. Gerrie van Deventer. Kersdiens om 09:30 in die kerk, gelei deur ds. Jan-Hendrik Fourie. Kersdiens om 10:15 in die Kobus Hattinghsaal, gelei deur ds. Gerrie van Deventer. VOLGENDE SONDAG Erediens om 09:30 in die kerk, gelei deur Tony Noble. Oujaarsdiens om 19:00 in die Kobus Hattinghsaal, gelei deur ds. Basie Fourie.
Lees meer

Eredienste en Vakansieprogram - Desember 2023

Prent
Liewe vriende! Jy het seker gewonder wat het van Glentana en omgewing oorgebly na die storms van vroeër in die jaar? Hier en daar het skade gekom, maar die mense en unieke vakansie atmosfeer is steeds hier (en lewendig ). Die Suid-Kaap het hulle vere reg geskud vir jou koms! Ons glo dat jy ‘n ruskans verdien. Daarom is dit vir ons 'n voorreg om jou as vakansieganger in Outeniqualand te verwelkom. Ons het al geleer om jou in ons geestelike familie te verwelkom. Soos altyd probeer ons om aan jou 'n geestelike tuiste vir die vakansietyd te bied. Ons bring graag die volgende onder jou aandag: Daar word elke Sondag 'n erediens in die Kobus Hattingh-saal te Glentana aangebied. Ons het genoeg plek binne en buite die saal. Ons hou ook 'n Geloftediens, Carols by candlelight en vyf Kersdienste. Ons is bevoorreg om 'n stranddiensspan van Moreletapark-gemeente te ontvang wat in die Suid-Kaap kom bedien. Loer onderaan na hulle program en neem jou kinders na al die wonderlike akt
Lees meer

Kerssangdiens - 26 November 2023

Prent
GEEN 09:30 OGGENDDIENS VOLGENDE SONDAG Jy word hartlik uitgenooi na ons erediens om 09:30 in die Kerkgebou. Kom drink lekker koffie/tee in die saal na die erediens. DEUROFFER: MôRESON KINDERHUIS (GEORGE) Môreson Kinder- & Jeugsorgsentrum funksioneer vandag steeds op die perseel van 3,82 hektaar aan die oewers van die Katrivier, wat in 1977 in gebruik geneem is. Dit bestaan uit 8 huise waarin 12 tot 14 kinders in elkeen deur bekwame kinder- en jeugsorgwerkers versorg word. Daar is tans 100 kinders tussen die ouderdomme van 3 tot 18 jaar wat by Môreson versorg word. Die terrein met sy netjiese geboue en pragtige groen grasperke met bome, swembad en speel-apparaat, is waarlik 'n monument vir diegene wat so hard gewerk het om dit tot stand te bring.  
Lees meer