OUTENIQUALAND BETROKKENHEID BY SKOLE EN GEMEENSKAP

Outeniqualand-gemeente is betrokke by Diepkloof Kleuterskool op ons kerkgronde (ongeveer 70 kinders) sowel as 3 ander landelike skole in ons onmiddellike omgewing: Hoogekraal Primêr, VGK Diepkloof Primêr en Laerskool Van der Hoven. Oor die afgelope jaar en langer het ons toenemend bewus geword van die gebrokenheid onder ouers en huisgesinne op die plase asook die informele nedersetting op Hoogekraal. Die Here het ons gelei om by hierdie nood betrokke te raak.
Ons het begin deur 'n klompie rolspelers uit die gemeenskap bymekaar te kry om seker te maak dat ons bewuswording van die nood in lyn is met wat regtig in ons landelike gebied aangaan. Ons het boere, lede van die Plaaswag, GPF, verteenwoordiging van die BADISA-kantoor uit Knysna, skoolhoofde, gemeenskapsleiers en lede van ons Diensgroepe vir Getuienis en Barmhartigheid bymekaar gebring.
Daar was 'n groot mate van instemming dat daar goeie opvoeding aan ons kinders gegee word. Dit word dikwels afgebreek, enersyds omdat die kind in die namiddag by leë huise aankom vanweë ouers werksaam is, en andersyds omdat huisgesinne gebroke is en na ure nie hulle rol as ouers verstaan nie. Ouerleiding is as 'n groot behoefte uitgespreek asook 'n nasorgsentrum vir kinders in ons area.Bogenoemde gesprek was 'n bevestiging van 'n droom wat ons gehad het om op 'n geestelike sowel as ontwikkelingsgebied meer betrokke te raak by die ouers in ons landelike gebied. Ons het begin wonder oor 'n Maatskaplike Hulpwerker en of dit nie die voertuig moet wees, wat in vennootskap met ons gemeente, die gemeenskap kan help om weer gesonde gesinne te hê nie?
Help ons bid om met geloofsonderskeiding die regte ding in ons landelike gebied doen: dit wat tot opbou van ons mense sal wees en tot eer van God.

Opmerkings

Plaas 'n opmerking

Gewilde plasings van hierdie blog

Eredienste, Kersdienste en Oujaarsdiens - 24, 25, 31 Desember 2023

Prent
Hierdie Sondag se eredienste vind plaas om 08:00 in die Kobus Hattinghsaal en om 09:30 in die kerk, gelei deur ds. Jan-Hendrik Fourie. KERSDAG Kersdiens om 06:30 in die Kobus Hattinghsaal, gelei deur ds. Jan-Hendrik Fourie. Kersdiens om 07:45 in die Kobus Hattinghsaal, gelei deur ds. Jan-Hendrik Fourie. Kersdiens om 09:00 in die Kobus Hattinghsaal, gelei deur ds. Gerrie van Deventer. Kersdiens om 09:30 in die kerk, gelei deur ds. Jan-Hendrik Fourie. Kersdiens om 10:15 in die Kobus Hattinghsaal, gelei deur ds. Gerrie van Deventer. VOLGENDE SONDAG Erediens om 09:30 in die kerk, gelei deur Tony Noble. Oujaarsdiens om 19:00 in die Kobus Hattinghsaal, gelei deur ds. Basie Fourie.
Lees meer

Eredienste en Vakansieprogram - Desember 2023

Prent
Liewe vriende! Jy het seker gewonder wat het van Glentana en omgewing oorgebly na die storms van vroeër in die jaar? Hier en daar het skade gekom, maar die mense en unieke vakansie atmosfeer is steeds hier (en lewendig ). Die Suid-Kaap het hulle vere reg geskud vir jou koms! Ons glo dat jy ‘n ruskans verdien. Daarom is dit vir ons 'n voorreg om jou as vakansieganger in Outeniqualand te verwelkom. Ons het al geleer om jou in ons geestelike familie te verwelkom. Soos altyd probeer ons om aan jou 'n geestelike tuiste vir die vakansietyd te bied. Ons bring graag die volgende onder jou aandag: Daar word elke Sondag 'n erediens in die Kobus Hattingh-saal te Glentana aangebied. Ons het genoeg plek binne en buite die saal. Ons hou ook 'n Geloftediens, Carols by candlelight en vyf Kersdienste. Ons is bevoorreg om 'n stranddiensspan van Moreletapark-gemeente te ontvang wat in die Suid-Kaap kom bedien. Loer onderaan na hulle program en neem jou kinders na al die wonderlike akt
Lees meer

Kerssangdiens - 26 November 2023

Prent
GEEN 09:30 OGGENDDIENS VOLGENDE SONDAG Jy word hartlik uitgenooi na ons erediens om 09:30 in die Kerkgebou. Kom drink lekker koffie/tee in die saal na die erediens. DEUROFFER: MôRESON KINDERHUIS (GEORGE) Môreson Kinder- & Jeugsorgsentrum funksioneer vandag steeds op die perseel van 3,82 hektaar aan die oewers van die Katrivier, wat in 1977 in gebruik geneem is. Dit bestaan uit 8 huise waarin 12 tot 14 kinders in elkeen deur bekwame kinder- en jeugsorgwerkers versorg word. Daar is tans 100 kinders tussen die ouderdomme van 3 tot 18 jaar wat by Môreson versorg word. Die terrein met sy netjiese geboue en pragtige groen grasperke met bome, swembad en speel-apparaat, is waarlik 'n monument vir diegene wat so hard gewerk het om dit tot stand te bring.  
Lees meer