DANKBAARHEIDSOFFERS – OKTOBER 2024

Oktobermaand is ‘n besondere maand, want dit is lentemaand. Volgens die digter C. Louis Leipoldt is dit die mooiste, mooiste maand. Vir ons as Outeniqualanders is daar ‘n verdere rede waarom Oktobermaand besonders is. Dit is naamlik die maand waarin ons gemeentelede die geleentheid kry om op ‘n spesiale manier, bo en behalwe ons maandelikse dankoffers, ons dankbaarheid teenoor ons Hemelse Vader te betoon vir al die goedheid, guns en genade wat ons onverdiend uit Sy vaderhand ontvang en hoeveel stof tot dankbaarheid het ons as gemeente nie! Ons lidmatetal groei, ons finansies is gesond, daar is soveel aktiwiteite waaraan ons kan deelneem, daar heers soveel liefde, warmte en omgee tussen ons lidmate, ensovoorts, ensovoorts.
Wat ons dankbaarheidsoffers betref, wil ons graag noem dat enige bedrag, groot of klein, welkom is. Dit wat jy gee, is ‘n saak tussen jou en jou Hemelse Vader. Sal dit nie wonderlik wees as elkeen van ons lidmate iets gee nie, maak nie saak hoeveel nie!
Ons wil graag met tyd minder kontant by die kerkgeboue hanteer, vir veiligheidsredes. Daarom, is die verkose bydrae-metode ‘n elektroniese inbetaling.
Merk asseblief net jou inbetaling baie duidelik as “10de Maand dankoffer”. Vir diegene wat verkies om ‘n kontantbydrae te maak, sal daar gedurende Oktober die gebruiklike koeverte met die woorde ”My dankbaarheidsoffer” in die voorportaal van die kerkgebou beskikbaar wees. Neem gerus daarvan om jou dankbaarheidsoffer in te plaas, as jy hierdie metode sou verkies. Tydens die nagmaalsdiens op Sondag, 27 Oktober vanjaar, waartydens ons ook Hervormingsfees gaan vier, sal jy die geleentheid kry om jou koevert in te gee. Sou dit nie op daardie dag moontlik wees nie, kan jy dit ook op enige ander Sondag ingee, tot-en-met einde November 2024. Jy kan dit ook by die kerkkantoor inhandig, as dit jou beter pas.
Ons wil graag elke Outeniqualander bedank vir die mooi gesindheid wat julle nog altyd teenoor hierdie belangrike saak openbaar het.
Daarom vertrou ons, ons Hemelse Vader dat Hy ook 2024 se insameling wonderlik sal seën en dat ons, soos nog altyd, die begrote bedrag sal behaal. Hierdie jaar is ons mikpunt R264 000, wat ongeveer 8% van ons jaarlikse inkomste verteenwoordig.

Diensgroep vir Finansies

Opmerkings

Plaas 'n opmerking

Gewilde plasings van hierdie blog

Eredienste, Kersdienste en Oujaarsdiens - 24, 25, 31 Desember 2023

Prent
Hierdie Sondag se eredienste vind plaas om 08:00 in die Kobus Hattinghsaal en om 09:30 in die kerk, gelei deur ds. Jan-Hendrik Fourie. KERSDAG Kersdiens om 06:30 in die Kobus Hattinghsaal, gelei deur ds. Jan-Hendrik Fourie. Kersdiens om 07:45 in die Kobus Hattinghsaal, gelei deur ds. Jan-Hendrik Fourie. Kersdiens om 09:00 in die Kobus Hattinghsaal, gelei deur ds. Gerrie van Deventer. Kersdiens om 09:30 in die kerk, gelei deur ds. Jan-Hendrik Fourie. Kersdiens om 10:15 in die Kobus Hattinghsaal, gelei deur ds. Gerrie van Deventer. VOLGENDE SONDAG Erediens om 09:30 in die kerk, gelei deur Tony Noble. Oujaarsdiens om 19:00 in die Kobus Hattinghsaal, gelei deur ds. Basie Fourie.
Lees meer

Eredienste en Vakansieprogram - Desember 2023

Prent
Liewe vriende! Jy het seker gewonder wat het van Glentana en omgewing oorgebly na die storms van vroeër in die jaar? Hier en daar het skade gekom, maar die mense en unieke vakansie atmosfeer is steeds hier (en lewendig ). Die Suid-Kaap het hulle vere reg geskud vir jou koms! Ons glo dat jy ‘n ruskans verdien. Daarom is dit vir ons 'n voorreg om jou as vakansieganger in Outeniqualand te verwelkom. Ons het al geleer om jou in ons geestelike familie te verwelkom. Soos altyd probeer ons om aan jou 'n geestelike tuiste vir die vakansietyd te bied. Ons bring graag die volgende onder jou aandag: Daar word elke Sondag 'n erediens in die Kobus Hattingh-saal te Glentana aangebied. Ons het genoeg plek binne en buite die saal. Ons hou ook 'n Geloftediens, Carols by candlelight en vyf Kersdienste. Ons is bevoorreg om 'n stranddiensspan van Moreletapark-gemeente te ontvang wat in die Suid-Kaap kom bedien. Loer onderaan na hulle program en neem jou kinders na al die wonderlike akt
Lees meer

Kerssangdiens - 26 November 2023

Prent
GEEN 09:30 OGGENDDIENS VOLGENDE SONDAG Jy word hartlik uitgenooi na ons erediens om 09:30 in die Kerkgebou. Kom drink lekker koffie/tee in die saal na die erediens. DEUROFFER: MôRESON KINDERHUIS (GEORGE) Môreson Kinder- & Jeugsorgsentrum funksioneer vandag steeds op die perseel van 3,82 hektaar aan die oewers van die Katrivier, wat in 1977 in gebruik geneem is. Dit bestaan uit 8 huise waarin 12 tot 14 kinders in elkeen deur bekwame kinder- en jeugsorgwerkers versorg word. Daar is tans 100 kinders tussen die ouderdomme van 3 tot 18 jaar wat by Môreson versorg word. Die terrein met sy netjiese geboue en pragtige groen grasperke met bome, swembad en speel-apparaat, is waarlik 'n monument vir diegene wat so hard gewerk het om dit tot stand te bring.  
Lees meer