Meer oor ons
Hartlik welkom by die webtuiste van die Nederduitse Gereformeerde Kerk Outeniqualand!
Ons Visie:
'n Gemeente wat liefde en diensbaarheid uitleef binne en buite ons grense.
Ons Missie:
Om God se koninkryk deur woord en daad onder leiding van die Heilige Gees uit te brei.
Ons streef om hierdie uitdagende visie en missie in woord en daad uit te leef deur verskillende aksies en bedieninge.
 Ds. Jacob Johannes Wasserfall 1951 - 1960 | Ds.
Jacob Johannes Wasserfall is die seun Jacobus Pieter Wasserfall en Anna
Catharina Joubert en is gebore op 22 Desember 1891. Op 17 Januarie 1916
trou hy met Lenora Charlotte Malan in Kaapstad. Vanaf 1920 tot 1928
bedien hy NG Kerk Pearston. Hy was van 1928 tot 1931 leraar van die
herstigte NG gemeente Chubut. Op 22 Desember 1948 trou hy met Jacoba
Frederika Petronella Francina Magdalena Vos (gebore 30 Januarie 1892,
oorlede 1 November 1971). Hy was ook NG Kerk-leraar op Keimoes. Op 26
Februarie 1962 sterf ds. Wasserfall en word begrawe in Philadelphia,
Kaapstad. |
 Ds. B. J. Britz 1960 - 1970 | U is welkom om inligting rakende hierdie leraar te stuur aan tinusbadenhorst at gmail dot com |
 Ds. W. Jacobs 1971 - 1974 | U is welkom om inligting rakende hierdie leraar te stuur aan tinusbadenhorst at gmail dot com |
 Dr. Kobus Hattingh 1975 - 1997 | U is welkom om inligting rakende hierdie leraar te stuur aan tinusbadenhorst at gmail dot com |
 Ds. Japie Beyers 1998 - September 2018 | Op 12-jarige ouderdom gee Japie Beyers sy hart aan die Here. Na matriek gaan hy na Stellenbosch op te studeer vir ingeneur, maar word deur die Here geroep om teologie te studeer. Sy eerste gemeente was in Loxton waar hy vir 14 maande in die bediening was. Daarna stuur die Here hom Kroonhof toe en daarna na 'n myndorp. Hy ontvang daarna 'n beroep na Outeniqualand en word in 1998 bevestig. |
 Ds. Jan Hendrik Fourie 2019 - Tans | U is welkom om inligting rakende hierdie leraar te stuur aan tinusbadenhorst at gmail dot com |
Hoeksteenlegging:
HOEKSTEENLEGGINGSBOODSKAP
--------------------
NEDERDUITSE GEREFORMEERDE KERKGEBOU, OUTENIQUALAND
18 AUGUSTUS 1956
(Deur Ds. J. J. Wasserfall)
1 Petrus 2:6: "Daarom staan dit ook in die Skrif: Kyk, Ek lê in Sion 'n uitverkore en kosbare hoeksteen, en die wat in Hom glo, sal nooit beskaam word nie."
HIERDIE PROFESIE, aangehaal uit Jesaja, en ingeklee in die taal van die boukuns, sien op Jesus, en is in Hom as die Hoeksteen van die Tempel van Gods koninkryk, die ware Sion, heerlik vervul. Uit die ryke simboliek waarvoor 'n hoeksteen staan, let ons tans net op twee betekenisse, t.w.: Saambinding, asof die mure van die hele gebou saamgevoeg is in die hoeksteen; en: Onderstutting, asof die gewig van die hele gebou rus op die hoeksteen vir sy instandhouding. Hoe volkome en werklik is onse Here Jesus Christus juis waarlik só 'n Hoeksteen vir Sy Gemeente - Hy wat alle ware gelowiges saambind tot één geheel, en wat Sy Kerk onderstut met die drakrag van Sy almag en reddende liefde, Sy opstanding en onwankelbare trou! Daarom, wie in Hom glo as die Rots der eeue, sal nooit beskaam word nie. Mag hierdie hoeksteen vir ons altyd 'n ware simbool van Christus wees; en mag hierdie evangeliese waarheid tot in die verste nageslagte steeds in hierdie Godsgebou verkondig word.
Maar dit kan alleen gebeur wanneer elke aanbidder, volgens aanduiding van 1 Kor. 3:16, self ook 'n Tempel van God is, gewy aan Sy diens, in wie die Gees van God woon. As Christus werklik die Hoeksteen van ons eie lewe is, dan eers kry hierdie simboliese Hoeksteen en hierdie Tempel vir ons hul regte betekenis en waarde. Dan sal ons ook hier voorberei word vir ons uiteindelike inwoning in die ewig volmaakte Tempel van die Hemel. Mag alles, wat onse Kerk en onsself kan ontheilig, uitgebrand word deur die louteringsvuur van die Heilige Gees; en mag Jesus Christus self die hoeksteen, die saambindende verbandsteen, die onwankelbare fondamentsteen in ons lewe as Christelikbelydende Gemeente wees tot die eer van God. - Amen.
--------------------
NEDERDUITSE GEREFORMEERDE KERKGEBOU, OUTENIQUALAND
18 AUGUSTUS 1956
(Deur Ds. J. J. Wasserfall)
1 Petrus 2:6: "Daarom staan dit ook in die Skrif: Kyk, Ek lê in Sion 'n uitverkore en kosbare hoeksteen, en die wat in Hom glo, sal nooit beskaam word nie."
HIERDIE PROFESIE, aangehaal uit Jesaja, en ingeklee in die taal van die boukuns, sien op Jesus, en is in Hom as die Hoeksteen van die Tempel van Gods koninkryk, die ware Sion, heerlik vervul. Uit die ryke simboliek waarvoor 'n hoeksteen staan, let ons tans net op twee betekenisse, t.w.: Saambinding, asof die mure van die hele gebou saamgevoeg is in die hoeksteen; en: Onderstutting, asof die gewig van die hele gebou rus op die hoeksteen vir sy instandhouding. Hoe volkome en werklik is onse Here Jesus Christus juis waarlik só 'n Hoeksteen vir Sy Gemeente - Hy wat alle ware gelowiges saambind tot één geheel, en wat Sy Kerk onderstut met die drakrag van Sy almag en reddende liefde, Sy opstanding en onwankelbare trou! Daarom, wie in Hom glo as die Rots der eeue, sal nooit beskaam word nie. Mag hierdie hoeksteen vir ons altyd 'n ware simbool van Christus wees; en mag hierdie evangeliese waarheid tot in die verste nageslagte steeds in hierdie Godsgebou verkondig word.
Maar dit kan alleen gebeur wanneer elke aanbidder, volgens aanduiding van 1 Kor. 3:16, self ook 'n Tempel van God is, gewy aan Sy diens, in wie die Gees van God woon. As Christus werklik die Hoeksteen van ons eie lewe is, dan eers kry hierdie simboliese Hoeksteen en hierdie Tempel vir ons hul regte betekenis en waarde. Dan sal ons ook hier voorberei word vir ons uiteindelike inwoning in die ewig volmaakte Tempel van die Hemel. Mag alles, wat onse Kerk en onsself kan ontheilig, uitgebrand word deur die louteringsvuur van die Heilige Gees; en mag Jesus Christus self die hoeksteen, die saambindende verbandsteen, die onwankelbare fondamentsteen in ons lewe as Christelikbelydende Gemeente wees tot die eer van God. - Amen.
Opmerkings
Plaas 'n opmerking